Ինչպե՞ս ես պատրաստվում փոխել աշխարհը:

Հարգելի´ երիտասարդներ,

Երևանի Երիտասարդական Բանկը հայտարարում է նոր դրամաշնորհային ծրագրերի մեկնարկ, որոնց կարող են դիմել 14-25 տարեկան երիտասարդներ և երիտասարդների խմբեր, որոնք մտահոգված են իրենց առօրյայով, առկա խնդիրներով ու շրջապատի բարեկեցությամբ: Առաջարկվող ծրագրերը պետք է անմիջական կապ ունենան երիտասարդներին հուզող հարցերին ու հիմնախնդիրներին:

Երևանի Երիտասարդական Բանկի դրամաշնորհային յուրաքանչյուր ծրագրի համար նախատեսվում է ոչ ավել, քան 150.000 ՀՀ դրամ:
Դրամաշնորհային մրցույթին մասնակցելու համար անհրաժեշտ է լրացնել կցված դիմում հայտի ձևը և այն ուղարկել Երևանի Երիտասարդական Բանկի էլ. փոստի հասցեին, այն է` youthbankyerevan@gmail.com

Դիմում հայտերի ընդունման վերջնաժամկետն է` ՄԱՅԻՍԻ 30-ը:

Մենք ակնկալում ենք ծրագրերի առաջարկներ, որոնք`
· կիրագործվեն երիտասարդների կողմից. դա նշանակում է, որ գաղափարը մշակելու, ներկայացվելու և իրագործվելու է մի խումբ երիտասարդների կողմից,
· պարզ և իրատեսական են,
· արդյունավետ են ֆինանսական տեսակետից,
· կունենան դրական ազդեցություն երիտասարդների և համայնքի այլ անդամների կյանքում:

Ստացված հայտերի հիման վրա նախատեսվում է կատարել նախնական ընտրություն, որից հետո այդ փուլն անցած հայտերի հեղինակները կհրավիրվեն հարցազրույցի:

Հայտի ձևը կարող եք բեռնել   www.youthbank.am  կայքից:

Հարգանքներով`
Երևանի Երիտասարդական Բանկ

ԱՄՓՈՓՎԵՑ «ՄՈԾԱԿ-2011» ՀԵՔԻԱԹ-ՊԱՏՄՎԱԾՔՆԵՐԻ ՄՐՑՈՒՅԹԸ

Այսօր Եվրասիա Համագործակցություն Հիմնադրամում ավելի քան ուրախ էր և հեքիաթային: Հիմնադրամի գրասենյակում էին բազում մանուկներ, ովքեր իրենց ծնողների հետ եկել էին մասնակցելու «Մոծակ» մանկական հեքիաթ-պատմվածքների մրցույթի փակման արարողությանը: Երևանի Երիտասարդական Բանկի կողմից ֆինանսավորած այս ծրագիրն իրականացվում էր www.mօcak.am մանկական ժամանցային կայքի կողմից:

Միջոցառման ընթացքում ամփոփվեցին «Մոծակ» մանկական հեքիաթ-պատմվածքների մրցույթի արդյունքները և պարզ դարձան մրցույթի հաղթողները: Շուրջ երեք ամիս տևած աշխատանքների ընթացքում կազմակերպիչները ստացել էին ավելի քան 260 պատմվածքներ, որոնցից առաջին փուլով ընտրվեցին 60-ը, որից հետո էլ կազմվեց լավագույն 20-յակը: Լավագույն պատմվածքներն ընտրվել են մրցույթի ժյուրիի կողմից:

Մրցույթի բոլոր մասնակից երեխաները ստացան նվերներ, այդ թվում` մրցույթի լավագույն 20 հեքիաթներից կազմված գիրք և աուդիո սկավառակ: Մրցույթի բոլոր մասնակիցները պարգևատրվեցին վկայականներով:

Երևանի Երիտասարդական Բանկի մասնակիցները մեծ սիրով իրենց անմիջական մասնակցությունն ունեցան ծրագրին: 

Շնորհավոր Ամանոր և Սուրբ Ծնունդ

Սիրելի ընկերներ,

Երևանի Երիտասարդական Բանկը շնորհավորում է ձեզ Ամանորի և Սուրբ Ծննդյան տոների կապակցությամբ:

Մաղթում ենք ձեզ նոր ձեռքբերումներ, անձնական ու մասնագիտական նվաճումներ: Թող գալիք Տարին առավել արդյունավետ ու հաջողակ լինի` իր հետ բերելով նոր գաղափարներ ու մտահղացումներ:

Եթե այդ գաղափարների իրականացումը աջակցության կարիք ունենա, դիմեք մեզ:

Շնորհավոր Ամանոր և Սուրբ Ծնունդ

Հարգանքներով`
Երևանի Երիտասարդական Բանկ

Միասնություն` մշակութային բազմազանության մեջ

Գաղտնիք չէ, որ Հայաստանում ազգային փոքրամասնություններն ապրում են խաղաղ ու համերաշխ` նպաստելով Հայաստանի զարգացմանն ու առաջընթացին: Հայաստանի տարբեր քաղաքներում կողք կողքի ապրում են վրացիներ, եզդիներ, ասորիներ, ռուսներ, հույներ, գերմանացիներ, լեհեր, հրեաներ, ովքեր հայերի հետ հավասար իրենց մասնակցությունն են ցուցաբերում հասարակական կյանքի բոլոր ոլորտներին: Դա ևս մեկ անգամ ապացուցվեց «Մշակութային խճանկար» փառտոնի շրջանակներում, որն անցկացվեց Երևանում, Վանաձորում և Գյումրիում:

Հայաստանում ապրող 6 փոքրամասնությունները համաձայնեցին կամավորական հիմունքներով մասնակցել փառատոնին` հայ երիտասարդներին ներկայացնելու իրենց մշակույթը, արվեստը, պատմությունը, ազգային կերակրատեսակները, երգն ու պարը` մի քանի օր շարունակ ձևավորելով մշակութային խճանկար:

Նոյեմբերից սկսած Հայ Առաջադեմ Երիտասարդություն հասարակական կազմակերպության շուրջ 15 կամավորներ սկսեցին ակտիվորեն աշխատել Հայաստանում բնակվող ազգային փոքրամասնությունների երիտասարդ ներկայացուցիչների հետ` ուսումնասիրելով նրանց համայնքների պատմությունը և ապրելակերպը: Պարզվեց, որ Հայաստանում ազգային փոքրամասնություններից շատերը բավականին կազմակերպված են, ունեն իրենց մշակութային կազմակերպությունները, պարի, երգի և լեզվի խմբակները, ակտիվորեն համագործակցում են միմյանց հետ տարբեր ծրագրերի շրջանակներում:

Երկամսյա աշխատանքից հետո երևանում մեկնարկեց փառատոնը: Հայաստանում բնակվող ազգային փոքրամասնությունների երիտասարդ ներկայացուցիչները հարյուրավոր հայ երիտասարդների ներկայացնեն իրենց պատմությունը, մշակութային ժառանգությունը, երգն ու պարը, ազգային կերակրատեսակները: Լուսանկարների ցուցահանդեսի միջոցով ներկաները հնարավորություն ստացան ծանոթանալու համայնքների առօրյային և գործունեությանը:

«Մշակութային խճանկար» ծրագրի հիմնական նպատակ էր ցուցահանդեսների, մշակութային միջոցառումների միջոցով հայ երիտասարդներին ծանոթացնել Հայաստանում ապրող ազգային փոքրամասնությունների մշակույթին և ավանդույթներին: Ծրագիրը միտված էր հայ երիտասարդների շրջանում խթանել եվրոպական երիտասարդական արժեքները և ներկայացնել Հայաստանի մշակութային բազմազանությունը: Պարզվեց, որ մեր երիտասարդներից շատ քչերը գիտեն Հայաստանում գերմանական կամ օրինակ հրեական համայքնի գոյության մասին:

Փառատոնի մի քանի օրերի ընթացքում հայ երիտասարդները վիրտուալ ճանապարհորդություն էին կատարում Հայաստանից Հունաստան, Գերմանիայից Իսրայել և այդպես շարունակ` մասնակից լինելով մշակութային խճանկարի ձևավորմանը:

Կազմակերպիչների հաշվարկներով մի քանի հազար երիտասարդ փառատոնի շնորհիվ իմացավ Հայաստանի բազմամշակութայնություն մասին: Շուտով պատրաստ կլինի նաև փառատոնի մասին պատմող ֆիլմը, որն իր հերթին ավելի շատ երիտասարդների կծանոթացնի ազգային փոքրամասնությունների մշակույթին:

«Մշակութային խճանկար» փառատոնը իրականություն դարձավ Եվրասիա Համագործակցություն Հիմնադրամի Երևանի Երիտասարդական Բանկ ծրագրի շնորհիվ, որի շրջանակներում Հայ Առաջադեմ Երիտասարդություն հասարակական կազմակերպությունը ստացավ ֆինանսական աջակցություն:

Փառատոնի նյութերը մշակման փուլում են և շուտով կտեղադրվեն ծրագրին մասնակից կազմակերպությունների կայքերում, ինչի շնորհիվ միջոցառմանը մասնակից կդառնան ավելի շատ երիտասարդներ:

Ցուցահանդես-վաճառք

Այսօր` դեկտեմբերի 18-ին,  Աշտարակ քաղաքի մշակույթի տանը տեղի ունեցավ ցուցահանդես-վաճառք: Սույն իրադարձությամբ եզրափակվում էր 6շաբաթյա կարուձևի խմբակի գործունեության մի փուլ, որը կազմակերպվել էր “Աղջիկների երկիր” խմբի ջանքերով և Եվրասիա համագործակցություն հիմնադրամի Երևանի երիտասարդական բանկի ֆինանսավորմամբ: Միջոցառման ընթացքում դասընթացին մասնակից 8 աղջիկներին հանձնվեցին ավարտական վկայականները և շնորհակալական խոսք ուղղվեց միջոցառման բոլոր աջակիցներին: Ցուցահանդես-վաճառքում ընդգրկված էին այն բոլոր ցուցանմուշները, որոնք պատրաստվել էին դասընթացի ընթացքում`պայուսակներ, սրբիչներ, բռնիիչներ, հառախոսատուփեր, ամառային վերնաշապիկներ, տարատեսակ անկողնային սպիտակեղեն, մազակալներ, կիսաշրջազգեստներ, շրջազգեստներ, մանկական հագուստ, տկնիկներ և վարագույր: Չնայած միջոցառման ժամանակը բավակաաչափ կարճ էր, սակայն այցելուների թիվը գերազանցում էր սպասված թվին: Ցուցահանդես-վաճառքի ընթացքում հավաքված հասույթը կտրամադրվի ծրագրի շարունակականությանը:

«Մշակութային խճանկար»

ՄԱՄԼՈ ՀԱՂՈՐԴԱԳՐՈՒԹՅՈՒՆ

Երևան – Դեկտեմբերի 16-ին, ժամը 18:00-ին Հայաստանի երիտասարդական հիմնադրամի երիտասարդական կենտրոնում (Աբովյան 50/5) տեղի կունենա «Եվրասիա համագործակցություն հիմնադրամի» և « Երևանի երիտասարդական բանկի» աջակցությամբ իրականացվող, «Հայ առաջադեմ երիտասարդություն» ՀԿ-ի «Մշակութային խճանկար»  ծրագիրը:

Միջոցառմանը ներկա կգտնվեն Հայաստանում բնակվող ազգային փոքրամասնությունների երիտասարդ ներկայացուցիչները, ովքեր կներկայացնեն իրենց պատմությունը, մշակութային ժառանգությունը, երգն ու պարը, ազգային կերակրատեսակները: Լուսանկարների ցուցահանդեսի միջոցով ներկաները հնարավորություն կստանան ծանոթանալու համայնքների առօրյային և գործունեությանը:

 «Մշակութային խճանկար» ծրագիրը նպատակ ունի ցուցահանդեսների, մշակութային միջոցառումների միջոցով հայ երիտասարդներին ծանոթացնել Հայաստանում ապրող ազգային փոքրամասնությունների մշակույթին և ավանդույթներին: Ծրագիրը հայ երիտասարդների շրջանում խթանում է եվրոպական երիտասարդական արժեքները և ներկայացնում Հայաստանի մշակութային բազմազանությունը:

Դեկտեմբերի 17-ին և 18-ին «Մշակութային խճանկար» ծրագիրը կհյուրընկալվի Վանաձորում և Գյումրիում:

Միաժամանակ նյութերը կմշակվեն և կտեղադրվեն «Հայ առաջադեմ երիտասարդություն» ՀԿ-ի էլեկտրոնային ռեսուրսներում, ինչի շնորհիվ միջոցառմանը մասնակից կդառնան ավելի քան 10000 երիտասարդներ: «Հայ առաջադեմ երիտասարդություն» ՀԿ-ն պատրաստվում է նաև հաղորդում պատրաստել ծրագրի մասին, որն էլ կտեղադրվի ՀԿ-ի եվրոպական գործընկերների կայքերում:

Հայ առաջադեմ երիտասարդություն ՀԿ
Գրիգոր Երիցյան
Հեռ. +374 91 59 62 35
Էլ. փոստ` grigor.yeritsyan@apy.am
Ինտերնետային կայք` www.apy.am
­­­

­­­

Երիտասարդական Բանկի Տարեվերջյան հանդիպումը

Դեկտեմբերի 9-11–ը Ծաղկաձորում տեղի ունեցավ «Երիտասարդական բանկ» կոմիտեների տարեվերջյան հանդիպումը: Հանդիմանը մասնակցում էին Երևանում և Հայաստանի մարզերում գործող երիտասարդական բանկերի համակարգողներն ու անդամները: Հանդիպման օրակարգը բավականին հագեցված էր: Երիտասարդներին ընձեռնվեց հնարավորություն՝ ստանալու տեսական ու գործնական գիտելիքներ: ԵԲ-երի նոր անդամների համար նախատեսվել էր ԵԲ-ի աշխատանքային գործընթացը ներկայացնելու ուսուցում։ Բոլորս հպարտությամբ տեսանք, թե ինչպես են բանկիրներն արդեն պարզագույն նյութերն իսկ սկսել ներկայացնել՝ նոր տեխնոլոգիաների կիրառմամբ՝ ֆիլմի, անիմացիայի, և բանավոր ելույթների համադրմամբ։

Շվեդիայից Պավլինան ու Հիլլևին, խոսեցին գենդերային հարցերի վերաբերյալ, առաջ քաշելով այնպիսի դրույթներ՝ թե ինչպես  գենդերային տարանջատումն ունի սոցիալական՝ մարդու կողմից ստեղծված և առաջ քաշվող արհեստական ծագում։ իսկ Տիգրան Բերթիզյանն ու Արշակ Բալայանը ներկայացրեցին Դե Բոնոյի «Մտածողության 6 գլխարկները»։ Հանդիպման մի մասը կազմում էին գործնական վարժությունները։ Սա մի շատ հետաքրքիր իրադարձություն էր ինչպես նոր այնպես էլ հին անդամների համար, քանի որ ներկայացվեցին մտածելակերպի տարբեր բաղադրիչներ, որոնց իրականում մի փոքր մասն էինք մենք կիրառում՝ չիմանալով՝ դրանց օգուտներն ու ճիշտ վերլուծական և դրական մտածելակերպի ձևերը։ Վերջին վարժության նպատակը՝ քննադատական մտածելակերպը պահպանելուն զուգընթաց՝ բանակցելու և վստահության մթնոլորտ ձեավորելի հմտությունների մասին էր։ Սա բավականին դժվար՝ բայց շատ ուսանելի էր նաև խաղային տեխնոլոգիա կիրառելու առումով։

Որպես լրացուցիչ անդրադարձ գենդերային թեմային՝ երեկոներից մեկի ժամանակ Վանաձորցի մեր տաղանդաշատ բանկիրները կազմակերպեցին ֆորում-թատրոն, որում երիտասարդները ներկայացնում էին մի ընտանեկան իրավիճակ, երբ աղջկա հայրն ու եղբայրը թույլ չեն տալիս նրան երեկոյան մասնակցելու ընկերուհու ծննդյան տոնին։ Երիտասարդներին  հնարավորություն ընձեռնվեց որոշում կայացնելու  հերոսի փոխարեն՝ ներկայացնելով իրենց կարծիքներն ու մոտեցումները։ Այս միջոցառման ավարտին ներկա գտնվեցին և բավականին լավ տպավորություն ստացան նաև այդ պահին Ծաղկաձորում գտնվող ԱՄՆ ՄԶԳ-ից Արևիկ Մովսիսյանը և Արմավիրի Զարգացման Կենտրոնի տնօրեն Նաիրա Առաքելյանը։

Վերջին օրը Երիտասարդական բանկերը ներկայացրեցին 2011 թվականին իրականացրած ծրագրերը: Կոտայքի, Եղեգնաձորի, Արմավիրի, Վանաձորի, Մարտունու Երիտասարդական Բանկի անդամները, ինչպես նաև Երևանի Երիտասարդական բանկից Գայանե Ասատրյանը,  Եվրասիա համգործակցություն հիմնադրամից ստացան ամանորյա նվերներ, որոշ անվանակարգերում:

Ի դեպ,  2012թ Ապարանում կբացվի ևս մեկ Երիտասարդական բանկ, որը կֆինասավորի Վորլդ Վիժն ընկերությունը և ապրիլին կսկսվի նոր դրամաշնորհների գործընթացը, Հայաստանցի բանկիրները նորից փորձ կանեն համագործակցելու Ադրբեջանցի իրենց գործընկերների հետ, ինչպես նաև Հայաստանում կհյուրընկալվեն Վրաստանի, Աբխազիայի և Թուրքիայի գործընկերները:

Իսկ թե ինչե՞ր քաղեցին այս մի քանի օրերի ընթացքում, երիտասարդները շարունակեցին քննարկել ֆեյսբուքյան իրենց էջում։

Երիտասարդերը վերադարձան մարզեր ավելի ոգևորված` մեկը մյուսի փորձից հարստացած և ոգևորված՝     իրականացնելու էլ ավելի հետաքրքիր ծրագրեր:

Մանկական հեքիաթի մրցույթի արդյունքների ամփոփումը

Mocak.am մանկական կայքի և Երևանի Երիտասարդական բանկի հայտարարած հեքիաթի մրցույթում հաղթող են ճանաչվում 20 հեքիաթ՝ նախապես հայտարարված 10-ի փոխարեն: Հեքիաթների ինքնատիպությունը և ստացած բարձր միավորները ցույց տվեցին, որ նրանք ոչնչով չեն զիջում առաջին տասնյակին և միանգամայն արժանի են դասվել լավագույնների շարքում:

1. Համլետ Սարգսյան – Երազանքի դպրոցը
2. Սոնա Բեզիրգանյան – Իմաստուն այգեպանը
3. Աննա Աղաջանյան – Մայրիկին չասես
4. Ռոզա Աբրահամյան – Արդար պատիժ
5. Հասմիկ Մարտիրոսյան – Հեքիաթ քնի մասին
6. Տիգրան Աթոյան – Թե ինչպես ոզնու վրա փշեր աճեցին
7. Արիաննա Ադամյան – Կանաչ եղևնին
8. Սիլվա Սարգսյան – Ամպն ու ամպիկը
9. Միլեն Մարգարյան – Կապուտաչուկն ու Կանաչաչիկը
10. Արսեն Գևորգյան – Կենարար ջուրը
11. Մհեր Մկրտումյան – Գերված խնձորենիները
12. Նաիրուհի Թովմասյան – Մեծ սերը
13. Մանե Առաքելյան – Սև ու Սպիտակ թագավորությունները
14. Լուսինե Նազարյան – Փիսո Մյավի արկածները
15. Նարեկ Սահակյան – Նոթբուք կամ տեխնոլոգիական հրաշք
16. Սաթենիկ Առաքելյան – Հեքիաթ անձնազոհ կակաչի մասին
17. Մարիամ Կարապետյան – Դյուրահավատ թագավորն ու նրա դուստրը
18. Հակոբ Պարսամյան – Անիի արկածները
19. Ժորա Հակոբյան – Արքայադուստրը
20. Աննա Հարությունյան – Իր երազանքներին հասած մկնիկը

Mocak.am կայքի կողմից «ԱՄԵՆԱՀԵՔԻԱԹԱՅԻՆ» ՀԵՔԻԱԹ  է ճանաչվում Հասմիկ Մարտիրոսյանի «Հեքիաթ քնի մասին» հեքիաթը:

Ասում են՝ հեքիաթներ նույնիսկ հանճարները չեն կարող գրել, իսկ մենք բացահայտեցինք հարյուրավոր տաղանդավոր երեխաների, որոնք իրենց պես հրաշալի հեքիաթներ են գրում: Նրանք ապրում են Հայաստանի ամենատարբեր անկյուններում և իրենց մեջ կրում են իրենց հայրենի քաղաքի ու գյուղի բարի կոլորիտը: Մարզերի մեր լավագույն մասնակիցները այսուհետև դառնում են mocak.am-ի մարզային թղթակիցներ:

Մրցանակների հանձնման արարողության մասին մասնակիցներին կտեղեկացվի շատ շուտով:

Հեքիաթները գնահատել են՝Անահիտ Ալեքսանյան - Mocak.am կայքի գլխավոր խմբագիր, Նվարդ Վարդանյան - Բանասիրական գիտությունների թեկնածու, դոցենտ, հեքիաթագետ, Կարինե Գևորգյան - Հանրային Ռադիոյի Մանկապատանեկան հաղորդումների գլխավոր խմբագիր, Մարինե Քոչարյան - Լրագրող, մանկական մի շարք հաղորդումների սցենարիստ, Երևանի Երիտասարդական բանկ  (Գայանե Ասատրյան)-  Մանկական հեքիաթի մրցույթի գլխավոր աջակից

Մրցույթի արդյունքներն ամփոփելիս հաշվի են առնվել ժյուրիի անդամների նշանակած գնահատականները և այն գնահատականը, որը ստացվել է կայքում հեքիաթների ունիկալ էջադիտումների (unique pageviews – տվյալները՝ ըստ Google analytics-ի ), սոցիալական ցանցերում հեքիաթի տարածվածության (Facebook, Twitter, Google+) և իմաստալից մեկնաբանությունների (comments և real comments) ամփոփումից: Բոլոր միավորները բերվել են միևնույն համակարգի ( բաժանվելով համապատասխան թվերի՝ 10, 100 և 1000):

Բարև, Եվրոպան` արդեն իրականություն

Նախորդ ամսվա կեսին իր մեկնարկան ազդարարեց Եվրասիա համագործակցություն հիմնադրամի և Երևան Երիտասարդական բանկի եվրոպական արժեքներին նվիրված դրամաշնորհների մրցույթի հավանությանն արժանացած «Բարև, Եվրոպա» ծրագիրը:

Երկու փուլից բաղկացած և արդեն ավարտված նախագծի հեղինակն է Երկիր Մեդիա ՀԸ երիտասարդ լրագրող, պրոդյուսեր Էդգար Ամիրխանյանը, ով այս ծրագրով նպատակ է հետապնդում հասարակությանը համակողմանի ներկայացնել Եվրոպան` սեփական դեմքուդիմագծի ամբողջականացմամբ: Նագածի հեղինակը ծրագրի ընթացքում կազմակերպել է երեք սեմինար-վերապատրաստումներ երեք տարիքային խմբերի ու մասնագիտական շրջանակների համար, ինչպես նաև լրագրողական մի մեծ խմբով պատրաստել և Երկիր Մեդիա ՀԸ Բարև, Երկիր ծրագրի շրջանակներում հեռարձակել տսներկու տարաբնույթ թեմատիկայով ռեպորտաժներ:

«Մեր նախագիծը կնպաստի նրան, որ նշված խմբերը` դպրոցահասակները, լրագրողներն ու ուսանողները մեկ անգամ ևս կհարստացնեն ու կճանաչեն Եվրոպան ու եվրոպական կառույցները, ինչը կդառնա պոտենցիալ ինֆորմացիայի տարածող օղակ: Բացի այդ` լրագրողներն ավելի ճիշտ կերպով կլուսաբանեն համանուն թեմաներվ տեսանյութերն ու կգրեն հոդվածներ, ինչը կխոսի այն մասին, որ տեղեկատվությունը չի հասնում «սպառողին» աղավաղված, ի վերջո, և ամենագլխավորներից մեկը նաև այն է, որ պատրաստված ռեպորտաժները տարածում ենք համացանցում, ինչը  տեղեկատվության հասնաելիությունը հանրության շրջանում ավելի է ընդլայնում»,-խոստովանում է Էդգար Ամիրխանյանը:

Ծառատունկ Կարինի միջնակարգ դպրոցում

Նոյեմբերի 29-ին Երևանի երիտասարդական բանկը իրականացրեց իր հերթական ծրագրի գնհատումը:
Արագածոտնի մարզի Կարին գյուղի միջնակարգ դպրոցի ցանկապատն արդեն պատրաստ է, և իրականացվում էր ծառատունկ: 
Այն կավարտվի գարնանը, քանի որ  եղևնիներն այժմ անիմաստ է ցանելը:

Ծառատունկին մասնակցում էին ոչ միայն դպրոցի աշակերտները,  այլ նաև ուսուցիչները և դպրոցի տնօրեն տիկին Խաչատրյանը: 

Տեղեկացնենք, որ դպրոցը գտնվում է մի ամայի տարծքում, որտեղ ոչ մի բուսականություն, ոչ մի կանաչ տարածք չկա: Ամեն տարի դպրոցի աշակերտները տնկում են ծառեր ու ծաղիկներ, որոնք սակայն երկար կյանք չեն ունենում և դառնում են կենդանիների կեր: 

Կար ու ձևի խմբակ

Նոյեմբերի 27-ի Երևանի երիտասարդական բանկր իրականացրեց իր հերթական ծրագրի գնհատումը: Աշտարակում իրականացվող այս ծրագիրը, կոչվում է “Կար ու ձևի խմբակ”: Ծրագիրը իրենից ներկայացնում է  կար ու ձևի ուսուցում 16-20 տարեկան աղջկների համար: Դասընթացը ներառում  է  անկողնային սպիտակեղենի  պատրաստում, ձևավորում, վարագույրների ձևավորում  և կանացի հագուստի մոդելավորում: Գործում է  երկու խումբ, յուրաքանչյուրում  չորս հոգի: Դասընթացը բաղկացած է գործնական և տնային առաջադրանքներից: 

Ծրագրը նախատեսում է նաև այցելություն  Հայաստանի Երիտասարդ Կանանց Ասոցիացիացիայի “Հայկար” կարի արտադրամաս, որը կիրականացվի դեկտեմբերի սկզբին: Նախատեսվում է  աշխատանքները  ներկայացնել ցուցահանդես-վաճառքի, իսկ հասույթը օգտագործել ծրագրի շարունակականությունը ապահովելու համար, որն էլ կիրականացվի դեկտեմբերի կեսերին:

-Շատ ցանակալի կլինի ծրագիրը իր շարունակությունը ապահովի, քանի որ արդեն համայնքի մեծահասակ կանայք էլ են ցանկություն հայտնել մասնակցել խմբակին, – ասաց  խմբակի ուսուցանող` տիկին Սիրանուշը

“Անտառները արժեքավոր էկոհամակարգեր են”

Այսօր տեղի ունեցավ Երևանի երիտասարդական բանկի հեթական ծրագրի մոնիթորինգը:  “Երևակ”  կրթահամալիրում,  իրականացվեց “Անտառները  արժեքավոր էկոհամակարգեր են” ֆիլմի նկարահանման վեջին փուլը, որի մասնակիցները կրթահամալիրի պատանի բնագետներն են: Պատանի բնագետներն պատրաստեցին նախորոք չորացված տերևներից, բույսերից անտառ, մանրադիտակով ուսումնասիրեցին որոշակի միջատների կառուցվածքը և իրականացրեցին փորձարկումներ հողի բաղադրությունը վերլուծելու համար:

Այս ծրագիրը շատ յուրահատուկ, ուսուցողական իրազեկման, մեթոդական բնապահպանական ֆիլմի նկարահանում է: Այս ֆիլմում կներգրավի նաև GIZ-ի կողմից հայտարարված կրթական-բնապահպանական  2011 թվականի քարորզարշավի “Անտառները  արժեքավոր էկոհամակարգեր են” մրցույթի շրջանակներում Հայաստանի տարբեր մարզերի ուսուցիչների ու աշակերտների գործունեությունը:

Երևանի Երիտասարդական բանկը նկարահանումից հետո գտնվեց նաև GVG ստուդիայում, որտեղ էլ իրականացվում է  ֆիլմի մոնտաժումը: Ֆիլմը շուտով պատրաստ կլինի և առաջին ցուցադրումը կլինի դեկտեմբերի 5-ին Անի պլազայում:

Ովքե՞ր հաղթահարեցին առաջին փուլը

Այստեղ են տեղադրված Մանկական հեքիաթ-պատմվածքի մրցույթի երկրորդ փուլ անցած բոլոր մասնակիցների հեքիաթների հղումները: Ընթերցեք, գնահատեք և օգնեք մեզ գտնել ամենահեքիաթայինը: Մենք կհետևենք մեր ընթերցողների արձագանքներին մինչև դեկտեմբերի 10-ը, իսկ ամենից սիրված ու տարածված հեքիաթները կստանան մեկ լրացուցիչ միավոր, որը կավելացվի ժյուրիի գնահատականներին:

 

• 1. Գոռիշխան Կարապետյան – Հեքիաթ փոքրիկ թզուկի մասին
• 2. Նարեկ Սահակյան  -Նոթբուք կամ տեխնոլոգիական հրաշք
• 3. Մարիամ Զոհրաբյան -Անսպասելի ընկերը
• 4. Մանե Առաքելյան- Թե իչպես Ութոտնուկը հերոս դարձավ
• 5. Մանե Առաքելյան -Թե ինչպես հաշտվեցին  Սև ու Սպիտակ թագավորությունները
• 6. Համլետ Սարգսյան- Երազանքի դպրոցը
• 7. Հասմիկ Մարտիրոսյան- Հեքիաթ քնի մասին
• 8. Ինեսսա Պողոսյան- Ամանորյա հրաշք
• 9. Աննա Աղաբեկյան- Ի՞նչ է մտածում դեղնած տերևը
• 10. Մարգարիտա  Հովհաննիսյան-  Մանուկի երազը
• 11. Սեդա  Հովհաննիսյան-  Փայտի վարպետը
• 12. Էրիկ Նուրիջանյան- Բիբուի արկածները
• 13. Տաթև Արամյան- Խոհեմ եռյակը
• 14. Հակոբ Պարսամյան- Անիի արկածները
• 15. Միլենա  Թորոսյան- Զվարճալի գրիչը
• 16. Էմիլ Ալեքսանդրյան-  Իմ Շնիկը
• 17. Մերի Ասլամազյան- Աղջիկն ու կանաչ մարդուկը
• 18. Սոնա Բեզիրգանյան- Իմաստուն այգեպանը
• 19. Եվա Մարկոսյան- «Wonderful» խումբը
• 20. Կարինե Պոստոլակյան -Կախարդական վրձինը
• 21. Կարեն Եղոյան – Իմ երազը
• 22. Սոնա Սահրադյան- Կախարդական    ակնոցները
• 23. Սիլվա Սարգսյան- Ամպն ու ամպիկը
• 24. Լիլիա Դավոյան- Փաթիլի երազը
• 25. Աթոյան Տիգրան- Թե ինչպես ոզնու վրա փշեր աճեցին
• 26. Արսեն Գյուլամբարյան- Ժամացույցի մեծ և փոքր սլաքները
• 27. Աննա Աղաջանյան- Մայրիկին չասես
• 28. Մարիա Ջանիբեկյան- Հրաշագործ ջութակը
• 29. Արման Կարապետյան- Երախտագետ վագրը
• 30. Մարիամ Կարապետյան- Դյուրահավատ թագավորն ու նրա դուստրը
• 31. Մուշեղ Հովսեփյան- Հեքիաթ
• 32. Ժորա  Հակոբյան- Արքայադուստրը
• 33. Դիանա Բաղդասարյան- Իրական հեքիաթ
• 34. Էվելինա Դողանյան- Պիպինոյի երազանքը
• 35. Սաթենիկ Առաքելյան- Հեքիաթ անձնազոհ կակաչի մասին
• 36. Միլեն Մարգարյան- Կապուտաչուկն ու Կանաչաչիկը
• 37. Նանե Առուշանյան- Իմ մտերիմ ընկերը
• 38. Շահանե Առուշանյան -Երջանիկ խրճիթը
• 39. Էռնեստ Բատիկյան – Ինչպես մի փոքրիկ տղա փրկեց աշխարհը
• 40. Հասմիկ Գրիգորյան -Իոնելլան և դելֆինը
• 41. Լուսինե Հասրաթյան -Անմահական ջուրը
• 42. Աննա Աղաբեկյան- Այբուբեն
• 43. Արեն Առաքելյան- Խաղաղություն և պատերազմ
• 44. Էդուարդ Ղազարյան- Ծույլ նապաստակը
• 45. Մհեր Մկրտումյան  - Գերված խնձորենիները
• 46. Նաիրուհի Թովմասյան -Մեծ սերը
• 47. Գայանե Ավագյան- Հրաշագործ արքայազնը
• 48. Արմեն Եղիշյան-  Արջի  քոթոթն  ու  անտառապահը
• 49. Եվա Մովսիսյան- Կախարդական այգին
• 50. Մարիամ Կարապետյան – Ընկերները
• 51. Մարիա Աբրահամյան- Տառերի պատմությունը
• 52. Սուրեն Մարտիրոսյան – Անբասիր մայրական սեր
• 53. Լուսինե Նազարեթյան- Փիսո Մյավի արկածները
• 54. Աննա Մկրտչյան- Մի վախեցիր
• 55. Արիաննա Ադամյան- Կանաչ եղևնին
• 56. Աննա Հարությունյան- Իր երազանքներին հասած մկնիկը
• 57. Մելինա Խաչատրյան-  Սոճու կոնը
• 58. Էլեն Մարտիրոսյան- Ծառը
• 59. Արսեն Գևորգյան- Կենարար ջուրը
• 60. Ռոզա Աբրահամյան- Արդար պատիժ

 

Հղում` http://mocak.am/2-%D6%80%D5%A4-%D6%83%D5%B8%D6%82%D5%AC/

Mocak story 2011. Ավարտվեց մրցույթի հայտերի ընդունումը

Ահա և վերջ… Աշխարհի ամենահեքիաթաշատ մրցույթի հայտերի ընդունումն ավարտվեց: Շնորհակալ ենք բոլոր մասնակիցներին իրենց ուղարկած շատ ինքնատիպ հեքիաթների համար: Մենք ստացել ենք ավելի քանի 150 հեքիաթ: Նոյեմբերի 17-ին mocak.amկայքում կհայտնվեն մրցույթի առաջին փուլը հաղթահարած հեքիաթները:

Այս մասնակիցներին արդեն մի նոր ու ավելի բարդ փորձություն է սպասվում: Նրանց հեքիաթները կներկայացվեն ընթերցողների և, իհարկե, մեր ժյուրիի անդամների դատին: Ընթերցողների համակրանքին արժանացած և ժյուրիի կողմից բարձր գնահատականների արժանացած մասնակիցներից էլ 

կընտրվեն լավագույնները: Իսկ մենք հաջողություն ենք մաղթում բոլորհեքիաթներին և թող հաղթի ԱՄԵՆԱՀԵՔԻԱԹԱՅԻՆԸ…

Հ.Գ. Իսկ նրանք, ովքեր չեն գտնի իրենց հեքիաթները կայքում, թող շատ չտխրեն: Մենք վստահ ենք, որ դուք դեռ շատ նոր և հետաքրքիր հեքիաթներ ու պատմություններ կկարողանաք գրել, իսկ ձեր հեքիաթներին մենք անպայման կանդրադառնանք անհատական նամակներով:

Հղում` http://mocak.am/mocak-story-2011-%D5%A1%D5%BE%D5%A1%D6%80%D5%BF%D5%BE%D5%A5%D6%81-%D5%B4%D6%80%D6%81%D5%B8%D6%82%D5%B5%D5%A9%D5%AB-%D5%B0%D5%A1%D5%B5%D5%BF%D5%A5%D6%80%D5%AB-%D5%A8%D5%B6%D5%A4%D5%B8%D6%82%D5%B6/

Համաշխարհային բանկի Երևանի գրասենյակը հայտարարում է ակնարկների մրցույթ ուսանողների համար

Երևան, 21-ը նոյեմբերի 2011 թ. Համաշխարհային բանկի Երևանի գրասենյակն, իր հանրային տեղեկատվության ծառայությունների շրջանակում, հայտարարում է ակնարկների (շարադրությունների) մրցույթ` Հայաստանի բուհերի ուսանողների համար: Մրցույթի նպատակն է բարձրացնել իրազեկությունն ու քննարկում ծավալել երկրի առջև ծառացած զարգացման հիմնական մարտահրավերների վերաբերյալ: Այն նաև կնպաստի  Համաշխարհային բանկի` ներկայումս աշխատանքային փուլում գտնվող §Հայաստանում գյուղատնտեսության և գյուղերի զարգացման քաղաքականության¦ մասին զեկույցի նախապատրաստմանը:

Մրցույթի հավանական մասնակիցները պետք է առնվազն մինչև մրցույթի արդյունքների հայտարարումը պաշտոնապես գրանցված լինեն Հայաստանի բուհերից  մեկում:

Շարադրության թեման`

ՀԱՅԿԱԿԱՆ ԳՅՈՒՂԸ 21-ՐԴ ԴԱՐՈՒՄ.
ԳՅՈՒՂԱԿԱՆ ԲՆԱԿԱՎԱՅՐԵՐՈՒՄ ԿՅԱՆՔԻ ՄԱԿԱՐԴԱԿԻ ԲԱՐՁՐԱՑՄԱՆ ՔԱՂԱՔԱԿԱՆՈՒԹՅՈՒՆՆԵՐ
Ձեր կարծիքով` որո՞նք են Հայաստանի առջև ծառացած գլխավոր մարտահրավերները գյուղատնտեսության, սննդի արտադրության, գյուղերի տնտեսական զարգացման ոլորտներում և ի՞նչ լուծումներ եք տեսնում գյուղական երիտասարդության կյանքի բարելավման, մշակութային ժառանգության վերականգնման և համայնքային զբոսաշրջության զարգացման բնագավառներում:

ԱԿՆԱՐԿՆԵՐԻ ՆԵՐԿԱՅԱՑՄԱՆ ՎԵՐՋՆԱԺԱՄԿԵՏԸ 2012թ. ՀՈՒՆՎԱՐԻ 20-Ն Է:

Ձեր շարադրությունը կարող եք ուղարկել էլեկտրոնային փոստով` agrigoryan1@worldbank.org հասցեով, կամ ներկայացնել այն Համաշխարհային բանկի Երևանի գրասենյակ հետևյալ հասցեով` Գ. Լուսավորիչ 9, Երևան 0015: 

Ձեր աշխատանքը պետք է կենտրոնանա զարգացման մեկ ուղղության վրա` Ձեր ընտրությամբ, և չպետք է գերազանցի 4 էջը: Տողերի միջև օգտագործեք կրկնակի հեռավորություն, թողեք 1 դյույմ լուսանցք և օգտագործեք 12 չափսի տառատեսակ: Ակնարկը կարող եք գրել հայերեն կամ անգլերեն (պետք չէ ներկայացնել երկու լեզվով): Այն կարող է լինել նաև Ձեր կուրսային աշխատանքը կամ թեզը (դրա ավելի կարճ, հարմարեցված տարբերակը), եթե այն չի հրապարակվել կամ չի հրապարակվի մինչև մրցույթի ավարտը: Ներկայացվող շարադրությունը պետք է լինի բացառապես Ձեր ինքնուրույն աշխատանքը:

Դիմումի փաթեթում խնդրում ենք ներառել. ա) Ձեր ուսանողական վավերական տոմսի պատճենը, բ) Ձեր անունը և տարիքը, գ) համալսարանը, ֆակուլտետը և տարին (կուրսը), դ) կոնտակտային տեղեկություններ (հեռախոս և էլեկտրոնային փոստի հասցե):

Բոլոր շարադրությունները կգնահատվեն Համաշխարհային բանկի Երևանի գրասենյակի փորձագետների կողմից: Ձեր աշխատանքը պետք է լինի լավ փաստարկված և հիմնավորված, ունենա հստակ և տրամաբանական կառուցվածք: Լավագույն հինգ ակնարկների համար Համաշխարհային բանկի Երևանի գրասենյակը կտրամադրի դրամական մրցանակներ` հետևյալ կարգով.

1-ին տեղ`                   1000 ԱՄՆ դոլար
2-րդ տեղ`                   800 ԱՄՆ դոլար
3-րդ տեղ`                   600 ԱՄՆ դոլար
4-րդ տեղ`                   400 ԱՄՆ դոլար
Հատուկ մրցանակ`      250 ԱՄՆ դոլար

(Դրամական մրցանակները կտրամադրվեն ՀՀ դրամով:)

Մրցանակ շահած աշխատանքները կտեղադրվեն Համաշխարհային բանկի Երևանի գրասենյակի կայքէջում`www.worldbank.org.am, իսկ հաղթողներին կտրվի մրցանակաբաշխության արարողության ժամանակ իրենց աշխատանքները ներկայացնելու հնարավորություն:

Օրացույց`
21-ը նոյեմբերի 2011 թ.   ակնարկների մրցույթի մեկնարկ
20-ը հունվարի 2012 թ.  ակնարկների ներկայացման վերջնաժամկետ
1-ը մարտի 2012 թ.   եզրափակիչ փուլի հաղթողների անունների հրապարակում
9-ը մարտի 2012 թ.   մրցանակաբաշխության արարողություն

Մրցույթի վերաբերյալ լրացուցիչ տեղեկությունների համար և հարցերի դեպքում խնդրում ենք դիմել Համաշխարհային բանկի Երևանի գրասենյակ` Վիգեն Սարգսյանին/արտաքին կապերի պատասխանատու կամ Արմինե Գրիգորյանին/հանրային տեղեկատվության գծով օգնական`             +374(10) 52 09 92      հեռախոսահամարով, կամ էլեկտրոնային փոստի միջոցով` vsargsyan@worldbank.org,agrigoryan1@worldbank.org հասցեներով:

Հղում` http://www.worldbank.org.am/WBSITE/EXTERNAL/COUNTRIES/ECAEXT/ARMENIAEXTN/0,,contentMDK:23051662~menuPK:301584~pagePK:2865066~piPK:2865079~theSitePK:301579,00.html

Շաբաթօրյակ “Զվարթնոց” տաճարի տարածքում

ՀՀ-ում Սլովակիայի Հանրապետության հյուպատոսությունը` հյուպատոս Գագիկ Մարտիրոսյանի նախաձեռնությամբ նոյեմբերի 6-ին կազմակերպել էր շաբաթօրյակ “Զվարթնոց” արգելոց թանգարանի տարածքում։ Զվարթնոց պատմամշակութային արգելոց-թանգարանը որպես համամարդկային արժեք ունեցող հուշարձան ընդգրկված է ՅՈՒՆԵՍԿՕ-ի համաշխարհային ժառանգության ցանկում: Աշխատանքներին մասնակցում էին ավելի քան 70 երիտասարդ Հայաստանի տարբեր մարզերից։

Մասնակիցների թվում էին Երևանի ու Կոտայքի երիտասարդական բանկի անդամներ Գայանե Ասատրյանը, Գոհար Բաղդագյուլյանը և Նարեկ Հարությունյանը:

 «Նմանատիպ միջոցառումները կկրեն շարունակական բնույթ, քանզի յուրաքանչյուրիս պարտքն է հետագա սերունդների համար պահպանել դարերի խորքից մեզ հասած ազգային պատմական հուշարձաններն ու կոթողները»,- ասվում է հյուպատոսության մամլո հաղորդագրության մեջ:

Մասնակիցներին կտրվի նաև անվանական շնորհակալագրեր ՝ՀՀ-ում Սլովակիայի հյուպատոսության կողմից և փոքրիկ դրամական պարգեւ։

Հայտնի են Եվրոպական երիտասարդական արժեքներին նվիրված դրամաշնորհների հաղթողները

Նոյեմբերի 4-ին Եվրասիա Համագործակցություն Հիմնադրամի գրասենյակում տեղի ունեցավ Երևանի Երիտասարդական Բանկի դրամաշնորհների հանձնման պաշտոնական արարողությունը: Ամիսներ առաջ Երևանի Երիտասարդական Բանկը հայտարարել էր դրամաշնորհներ` նվիրված եվրոպական երիտասարդկաան արժեքներին: Քննարկումների արդյունքում Երևանի Երիտասարդական բանկը ֆինանսավորեց շուրջ 8 ծրագիր, որոնք կիրականացվեն այս տարվա նոյեմբեր-դեկտեմբեր ամիսներին: Եվրոպական երիտասարդական արժեքներին նվիրված դրամաշնորհային մրցույթ հայտարարելու հիմնական նպատակն էր երիտասարդության շրջանում տարածել եվրոպական արժեքների և դրանց բնորոշ մոտեցումների և գործողությունների մասին ադեկվատ տեղեկատվություն և խթանել դրանց լավագույն փորձի կիրառումը Հայաստանում:

Դրամաշնորհների հանձնման արարողությանը ներկա էին ծրագրի շահառուները, նախկինում իրականացված ծրագրերի հեղինակները, Երիտասարդական Բանկի անդամներն ու բանկի հավատարիմ ընկերները:

Դրամաշնորհների հանձնումից հետո, հաղթող ծրագրերի հեղինակները մանրամասն ներկայացրեցին իրենց ծրագրերը, դրանց հիմնական նպատակներն ու թիրախային խմբերը, ինչպես նաև պատմեցին իրենց գաղափարների առաջացման մասին:

Ծրագրի շրջանակներում ֆինանսավորված ծրագրերը բավականին տարբեր են: Առաջիկա ամիսներին նախատեսվում է Եվրոպական արժեքներին նվիրված տարաբնույթ տեսանյութերի նկարահանում և հեռուստատեսային հեռարձակում, ֆիլմերի նկարահանում, բացօթյա ցուցահանդեսներ Հայաստանում բնակվող ազգային փոքրամասնությունների մասնակցությամբ, կար ու ձևի ուսուցում, թատերական ներկայացումներ, մանկական պատմվածքների մրցույթի անցկացում և այլն: Բոլոր ծրագրերի հեղինակները երիտասարդներ են:

Դրամաշնորհների հանձնումից հետո, Երիտասարդական Բանկի անդամները և նախկինում ծրագրեր իրականացրած երիտասարդները ներկայացրեցին իրենց իրականացրած ծրագրերը, դրանց արդյունքները և ազդեցությունը իրենց համայնքում: Արարողությունն ավարտվեց հյուրասիրությամբ:

Գրիգոր Երիցյան

Մամուլի հաղորդագրություն

Երևանի Երիտասարդական բանկի,

Եվրոպական արժեքներին նվիրված,

Հաղթող ճանաչված ծրագրերի դրամաշնորհների հանձնման միջոցառում

Հարգելի գործընկերներ,

Նոյեմբերի 4-ին, ժամը 17:30-ին Եվրասիա Համագործակցություն Հիմնադրամի գրասենյակում տեղի կունենա Երևանի Երիտասարդական Բանկի դրամաշնորհների հանձնման պաշտոնական արարողությունը: Հիշեցնենք, որ Երևանի Երիտասարդական Բանկը ամիսներ առաջ հայտարարել էր դրամաշնորհներ` նվիրված եվրոպական երիտասարդկաան արժեքներին: Երևանի Երիտասարդական բանկը ֆինասավորել է շուրջ 8 ծրագիր, որոնք կիրականացվեն նոյեմբեր-դեկտեմբեր ընկած ժամանակահատվածում: 

ՕՐԱԿԱՐԳ

17.30         Ողջյունի խոսք/ԵԵԲ-ի անդամներ/

17.40           2011թվ-ի ԵԵԲ-ի ֆինասավորված, ավարտված  ծրագրերի ներկայացում:/  Ծրագրերի մասնակիցներ/

18.05          Եվրոպական արժեքներին նվիրված ԵԵԲ-ի կողմից  ֆինասավորված ծրագրերի ներկայացում և դրամաշնորհների հանձնում/ Ծրագրերի  մասնակիցներ /:

18.45          2011թվ. ԵԵԲ-ի կողմից իրականացրած ծրագրերի ներկայացում /ԵԵԲ-ի  անդամներ/:

18.55         Հյուրասիություն:                                                                                                                                                                                                      Հասցեն`

Եվրասիա Համագործակցության Հիմնադրամ

Երևան 0009, Զարոբյան փ. 56

Մանկական հեքիաթ-պատմվածքի մրցույթ

Mocak.am կայքը և Երևանի երիտասարդական բանկը՝ Եվրասիա համա-գործակցություն հիմնադրամիօժանդակությամբ, հրավիրում են հեքիաթներ սիրող և հեքիաթներ գրող բոլոր երեխաներին՝ մասնակցելու հեքիաթ-պատմվածքի մրցույթի:

Մասնակցել կարող են Հայաստանի բոլոր մարզերի 8-15 տարեկան դպրոցականները: Միակ պայմանը վառ երևակայությունն է: Թեմայի ընտրությունը ազատ է: Նախընտրելի չափը՝ մինչև 2 էջ (12 տառաչափով և Sylfaen տառատեսակով): Նամակի մեջ նշեք ձեր տարիքը, դպրոցը, մարզը, հասցեն և հեռախոսահամարը:

Ուղարկեք ձեր հեքիաթ-պատմվածքները մինչև նոյեմբերի15-ը info@mocak.amէլկետրոնային փոստին կամ ք.Երևան 0009, Զարոբյան փ. 56, Եվրասիա համագործակցություն հիմնադրամ հասցեով (Գայանե Մկրտչյանին կամ Արթուր Ղազարյանին) :

Նոյեմբերի 16-ից պատմվածքները կտեղադրվեն mocak.am կայքում, որտեղ ընթերցողները մինչև դեկտեմբերի 5-ը կկարողանան գնահատել մասնակից հեքիաթները:

Մրցույթի ժյուրին կգնահատի հեքիաթ-պատմվածքները և հաշվի առնելով ընթերցողների համակրանքը՝ կընտրի հաղթողներին: Արդյունքները կամփոփվեն դեկտեմբերի 10-ին:

ՄՐՑԱՆԱԿՆԵՐ

• 1-ին, 2-րդ և 3-րդ մրցանակակիրները կստանան խրախուսական նվերներ
• Լավագույն 10 հեքիաթ-պատմվածքները կհրատարակվեն առանձին գրքույկով
• Լավագույն 10 հեքիաթ-պատմվածքները կձայնագրվեն աուդիոտարբերակներով

Մրցույթին մասնակցած երեխաները հնարավորություն կստանան մշտապես կապ պահպանել mocak.am կայքի հետ և դառնալ թղթակիցներ:

Մարդիկ հեքիաթների կարիք ունեն: 
Նվիրենք նրանց այդ հրաշքը:

Հղում` http://mocak.am/%D5%B4%D5%A1%D5%B6%D5%AF%D5%A1%D5%AF%D5%A1%D5%B6-%D5%B0%D5%A5%D6%84%D5%AB%D5%A1%D5%A9-%D5%BA%D5%A1%D5%BF%D5%B4%D5%BE%D5%A1%D5%AE%D6%84%D5%AB-%D5%B4%D6%80%D6%81%D5%B8%D6%82%D5%B5%D5%A9/

Ցուցահանդես “Կյանքն իմ աչքերով”

Հոկտեմբերի 28-ին,Երևանի երիտասարդական բանկի “Կյանքն իմ աչքերով” խորագրով նկարների ցուցահանդեսը բացվեց  թիվ 2 հատուկ կրթահամալիրում:      Այստեղ սովորում են անապահով  և  մտավոր  թերզարգացած  երեխաներ` 15-30 տարեկան,  որոնցից շատերըը գիշերում են նաև այտեղ: Երևանի Երիտասարդական բանկը արդեն 2 տարի է՝  ինչ ծրագրեր է իրականացնում այս կրթահամալիրում: 2010թվականին ԵԵԲ-ը կրթահամալիրի գորգագործության խմբակին տրամադրել են  թելեր, իսկ այս տարի ստեղծել է նկարչության խմբակ՝ տրամադրելով անհրաժեշտ գրենական պիտույքները:

Ցուցահանդեսին ներկա էին ԵԵԲ-ի անդամները,  Հելինսկյան կոմիտեի ներկայացուցիչներ, ինչպես նաև կրթահամալիրի 60-ից ավել սաներ, ուսուցիչներ: Սաները ցուցահանդեսին ցուցադրում էին ոչ միայն նկարչական խմբակի աշխատանքները այլ նաև իրենց իսկ գործած գորգերը: Երեխաների մոտ ոգևորությունը շատ մեծ էր, և անընդհատ կրկնում էին, որ ուզում են նկարեն:

Ավելացնենք, որ խմբակի բոլոր եխաներին տրվեցին նվերներ Հելսինկյան կոմիտեի, ՍիլվաՄամիկոնյանի կողմից, որը համագործակցում է ԵԵԲ-ի այս ծրագրին: Իսկ ցուցահանդեսի ավարտից հետո ԵԵԲ-ի անդամները ու հյուրերը ներկա գտնվեցին կրթահամալիրի գորգագործության ու այգեգործության դասընթացներին:

Սիրով`

Երևանի երիտասարդական բանկ